სიახლეები

მათემატიკის კვირეულის ფარგლებში გაიმართა π რიცხვის საერთაშორისო დღისადმი მიძღვნილი ღონისძიება. ღონისძიების ფარგლებში საბაზო და საშუალო საფეხურის მოსწავლეებმა წარმოადგინეს პრეზენტაციები თემაზე: მათემატიკის ისტორია და საქართველო; მათემატიკა და არქიტექტურა; მათემატიკა და ესთეთიკა. ღონისძიებაზე ასევე მოეწყო შეჯიბრი კუბიკ რუბიკის სწრაფად აწყობაში და ლოგიკური ამოცანების ამოხსნაში. ჩვენი სკოლის მოსწავლეები ამ დღისთვის განსაკუთრებულად ემზადებოდნენ, რისთვისაც დიდ მადლობას ვუხდით თითოეულ მათგანს.

მათემატიკის კვირეულის ფარგლებში, ჩვენი სტუმარი იყო მათემატიკოსი, მრავალი სახელმძღვანელოს ავტორი ბატონი დიმიტრი გოშხეთელიანი, რომელიც IV-IX კლასის მოსწავლეებს შეხვდა. ბატონი დიმიტრი მოსწავლეებს ესაუბრა მათემატიკის მნიშვნელობასა და შესწავლის საფუძვლიან მეთოდებზე. შეხვედრაზე წარმოადგენილი იყო სხვადასხვა ამოცანა, რომლის ამოხსნის პროცესშიც მოსწავლეები აქტიურად იყვნენ ჩართულები. მადლობას ვუხდით ჩვენს სტუმარს საინტერესო გაკვეთილებისთვის.

კვირეულის ფარგლებში ჩვენი სკოლის V – XI კლასის მოსწავლეებს, საქართველოს ეროვნული ბანკის დესპანი ეწვია. მოწვეულმა სტუმარმა მრავალფეროვანი პრეზენტაცია წარმოუდგინა მოსწავლეებს, რომელიც საინტერესო დისკუსიით დამთავრდა. შეხვედრაზე განხილული იყო ისეთი საკითხები როგორებიცაა: ეროვნული ბანკის დანიშნულება; კომერციული ბანკების დანიშნულება; ფინანსური უსაფრთხოება; ფინანსური მიზნები; დაზოგვა

შეხვედრას უძღვებოდა ,,ნარჩენების მართვის ბიზნეს ასოციაციის” აღმასრულებელი დირექტორი, ვანო მთვრალაშვილი და კომპანიის წარმომადგენლები: თამარ ღონღაძე, სალომე ორჯონიკიძე და ლიკა გოგუაძე, რომლებსაც ეკო კლუბის წევრებს თემატური პრეზენტაციები წარუდგინეს.

ჩვენი მოსწავლეები ევერესტის ოლიმპიადაში მიღწეული წარმატებისთვის, სერტიფიკატებითა და საჩუქრებით დაჯილდოვდნენ. სკოლის სახელით ვულოცავთ და წარმატებას ვუსურვებთ თითოეულ მათგანს

სკოლაში გვესტუმრა ქართველი პოეტი, პროზაიკოსი, ესეისტი, ლექტორი, ტელეწამყვანი, წიგნიერების გამავრცელებელი საზოგადოების თავმჯდომარე გიორგი კეკელიძე. ღონისძიების მიზანს წარმოადგენდა მოზარდებში წიგნიერების დონის ამაღლება და მისი მნიშვნელობა. შეხვედრა დასრულდა კითხვა-პასუხის რეჟიმით, რაც დამსწრე საზოგადოებისთვის ძალიან საინტერესო აღმოჩნდა. მადლობას ვუხდით ბატონ გიორგის ნაყოფიერი შეხვედრისთვის.

პარტნიორობის ფარგლებში ჩვენი სკოლის II, III, და IV კლასის მოსწავლეები შეისწავლიან პროგრამირებას CodeMonkey – ის საერთაშორისო პლატფორმით, რომელიც მსოფლიოს 20-ზე მეტ ქვეყანაში ოპერირებს. CodeMonkey- ის პლატფორმით პროგრამირების რთული პრინციპების შესწავლა ბევრად მარტივი და სახალისოა, ვიდრე აქამდე ყოფილა. CodeMonkey – ს უპირატესობებია პრობლემის გადაჭრის უნარების განვითარება – CodeMonkey ასწავლის ბავშვებს, თუ როგორ მიუდგნენ პრობლემებს ლოგიკურად და […]

ჩვენი სტუმარი იყო ყველასათვის საყვარელი მწერალი და საზოგადო მოღვაწე ბატონი დათო ტურაშვილი. მან მოსწავლეებს უამბო თითოეული წიგნის შექმნის ისტორია, ისაუბრა განვლილ ცხოვრებასა და შემოქმედებაზე. მოსწავლეებმა არაერთი კითხვა დაუსვეს საყვარელ მწერალს და შეხვედრის ბოლოს ავტოგრაფებიც მიიღეს. ასევე, გაიმართა ბატონი დათო ტურაშვილის წიგნების გამოფენა-გაყიდვა. მადლობას ვუხდით ჩვენს სტუმარს საინტერესო და ნაყოფიერი შეხვედრისთვის.

გარემოსდაცვითი განათლება და ცნობიერების ამაღლება მოსწავლეებში ჩვენი ერთ-ერთი პრიორიტეტია, სწორედ ამიტომ, ეკო კლუბის ინიციატივით დღეს სკოლაში გვესტუმრნენ კომპანია Tene – ტენე-ს წარმომადგენლები. Tene – ტენე მეორადი ნარჩენებისგან პირველ ქართულ USB-ს ამზადებს, რომელიც მსოფლიოში პირველი ეკომეგობრული კაბელია. კომპანიის წარმომადგენლებმა ისაუბრეს პლასტმასას წარმოშობის ისტორიაზე, იმ უარყოფით შედეგებზე, რაც პლასტმასას ნარჩენებმა შეიძლება მიაყენოს დედამიწას. საუბარი ასევე შეეხო პრობლემის […]

ჩვენთან კინონოსტალგიის საღამო გაიმართა. მოსწავლეებმა გააცოცხლეს, როგორც ქართული, ისე უცხოური ფილმებიდან ცნობილი სცენები. მოირგეს და სახალისოდ წარმოადგინეს სხვადასხვა პერსონაჟები. ღონისძიებაში ჩაერთნენ მასწავლებლებიც და მოსწავლეებისთვის მოულოდნელად განასახიერეს “ფუფალასა” და ” ჩარლი ჩაპლინის” გმირები, რამაც კიდევ უფრო მხიარული გახადა წარმოდგენა. მადლობას ვუხდით ღონისძიების ორგანიზატორებს.