ჩვენ შესახებ
კერძო სკოლა „ლილე“ 1995 წლიდან ქმნის განათლებაზე დაფუძნებულ ძლიერ საფუძველს და წარმატებით ახორციელებს სწავლების სრულ ციკლს სამივე საფეხურზე. ჩვენი მიზანია, თითოეულ მოსწავლეს შევთავაზოთ მის ინტერესებსა და შესაძლებლობებზე მორგებული სასწავლო გარემო, სადაც ცოდნა რეალურ უნარებად გარდაიქმნება.
ჩვენ გვჯერა, რომ თანამედროვე განათლება ნიშნავს მზადყოფნას მომავლისთვის. სწორედ ამიტომ, სკოლა „ლილეში“ სწავლების პროცესი ორიენტირებულია 21-ე საუკუნის გამოწვევებზე და თანამედროვე სტანდარტების შესაბამისი ხარისხიანი განათლების მიწოდებაზე.
სკოლაში შექმნილია უსაფრთხო, კომფორტული და მეგობრული სასწავლო სივრცე. თანამედროვე ინფრასტრუქტურა, შიდა უსაფრთხოების გუნდი და ვიდეო-სამეთვალყურეო სისტემები უზრუნველყოფს დაცულ გარემოს, სადაც თითოეული ბავშვი თავს მშვიდად და დაცულად გრძნობს, ხოლო მშობლებისთვის ეს ნდობისა და სიმშვიდის გარანტიაა.
სწავლის მაღალი ხარისხის შესანარჩუნებლად, სასწავლო პროცესის მონიტორინგს უწყვეტადახორციელებენ კათედრის ხელმძღვანელები, სკოლის ადმინისტრაცია და სასწავლო ნაწილი. გაკვეთილებზე გეგმიური დასწრებები გვაძლევს შესაძლებლობას, მუდმივად ვაკონტროლოთ და გავაუმჯობესოთ სწავლების შედეგები.
სკოლაში ფუნქციონირებს ელექტრონული ჟურნალი SCHOOLBOOK, რომელიც მშობლებსა და მოსწავლეებს აძლევს შესაძლებლობას, რეალურ დროში მიიღონ ინფორმაცია შეფასებების, საშინაო დავალებების, მასწავლებლის კომენტარებისა და სასწავლო პროცესის მნიშვნელოვანი დეტალების შესახებ.
არაფორმალური განათლება