ქართული სიტყვის ოსტატების სტუმრობა

დღეს განსაკუთრებული დღე გვქონდა — ქართული ენისა და ლიტერატურის კათედრის პროექტის ფარგლებში ჩვენმა სკოლამ უმასპინძლა ქართული კულტურის გამორჩეულ სახეებს, მსახიობებს ზვიად დოლიძესა და ვახტანგ ახალაძეს

პროექტში ჩართულმა მოსწავლეებმა ღირსეულად წარადგინეს თავიანთი შემოქმედება — წარმოდგენილი იყო როგორც კალიგრაფიული ნიმუშები, ასევე ლიტერატურული ჩანახატები, ხატოვნად შესრულებული ქართული ანბანის ასოები და, რა თქმა უნდა, ქართული სიმღერები.

ხელოვნების ოსტატებმა ყურადღებით დაათვალიერეს მოსწავლეების ნამუშევრები, წაიკითხეს ლექსები და დიდი სითბოთი უპასუხეს მოსწავლეების საინტერესო და გულწრფელ კითხვებს.

ღონისძიების დასასრულს, მსახიობებმა მონაწილეობა მიიღეს პროექტის გამარჯვებულების დაჯილდოებაში, რამაც კიდევ უფრო ემოციური და დაუვიწყარი გახადა ეს დღე.

განსაკუთრებულ მადლობას ვუხდით პროექტის ორგანიზატორებს და თითოეულ მოსწავლეს, ვინც თავისი შრომით და გულწრფელი მონდომებით ეს დღე დაუვიწყარი გახადა!