სკოლა ლილემ პარიზის გაეროს მოდელირების კონფერენციაზე Outstanding Delegation (გამორჩეული დელეგაცია) ჯილდო მოიპოვა!
სიამაყითა და სიხარულით გიზიარებთ, რომ სკოლა „ლილემ“ პარიზის გაეროს მოდელირების საერთაშორისო კონფერენციაზე Outstanding Delegation (გამორჩეული დელეგაცია) ჯილდო მოიპოვა!
ეს ტიტული ენიჭებათ იმ დელეგაციებს, რომლებიც გამოირჩევიან მაღალი დონის მომზადებით, ძლიერი არგუმენტაციით, აქტიური ჩართულობით და დიპლომატიური უნარებით. უზარმაზარი კონკურენციის ფონზე, ეს გამარჯვება ჩვენი მოსწავლეებისთვის მართლაც განსაკუთრებული და მნიშვნელოვანი მიღწევაა!
ასევე, განსაკუთრებით საამაყოა, რომ Honourable Mention (საპატიო აღნიშვნა) მიიღო ჩვენი სკოლის მოსწავლემ – გეგი მწარიაშვილმა!
ეს ჯილდო ეძლევათ მონაწილეებს, რომლებმაც კომიტეტის მუშაობაში გამოავლინეს განსაკუთრებული აქტიურობა, მაღალი აკადემიური მზადყოფნა და გამორჩეული საჯარო გამოსვლის უნარი.
ასეთი წარმატებები გვარწმუნებს, რომ „ლილეში“ იზრდებიან ახალგაზრდები, რომლებიც მზად არიან მსოფლიო ასპარეზისთვის, თამამად უპირისპირდებიან საერთაშორისო კონკურენციას და ღირსეულად წარმოაჩენენ როგორც სკოლას, ისე ჩვენს ქვეყანას.
ჩვენი დელეგაცია საქართველოში დაბრუნდა ახალი გამოცდილებებით, ახალი უნარებითა და კიდევ უფრო დიდი მოტივაციით!
ვულოცავთ ჩვენს მოსწავლეებს ამ მნიშვნელოვანი ტიტულის მოპოვებას და ვუსურვებთ კიდევ უამრავ წარმატებას მომავალ საერთაშორისო ასპარეზზე! 
#სკოლალილე#LileSchool#MUNParis#OutstandingDelegation#HonourableMention#გაეროსმოდელირება#ქართულიდიპლომატია
